7 თებერვალი უსაფრთხო ინტერნეტის საერთაშორისო დღეა, რომელსაც, კომუნიკაციების კომისია ყოველწლიურად უერთდება. ინიციატივა მიზნად ინტერნეტისა და ციფრული ტექნოლოგიების პოზიტიური და უსაფრთხო გამოყენების მხარდაჭერას ისახავს.
წლევანდელ ონლაინ სესიაზე, მედიაწიგნიერების განვითარების ტრენერმა, ანი გვეტაძემ, აუდიტორიას კომუნიკაციების კომისიის ის პროექტები წარუდგინა, რომლებიც საქართველოს მოსახლეობისთვის უსაფრთხო ინტერნეტთან წვდომის შესაძლებლობის შექმნას ეხებოდა. პრეზენტაციის დასასრულს, შეხვედრის ორგანიზატორმა და ინტერნეტ საზოგადოების დირექტორთა საბჭოს თავმჯდომარემ, რატი სხირტლაძემ, აღნიშნა, რომ Comcom-ის მედიაწიგნიერების პროექტები მსოფლიო მასშტაბით გამორჩეული და შთამბეჭდავი იყო.
ამავე ინიციატივის ფარგლებში, კომუნიკაციების კომისია საჯარო სკოლებში სასწავლო სემინარებსაც ჩაატარებს, სადაც მოსწავლეებს საშუალება ექნებათ გაიგონ, თუ როგორ გამოიყენონ ინტერნეტი უსაფრთხოდ და ასევე, როგორ შეიტანონ წვლილი უკეთესი ინტერნეტ სივრცის შექმნაში.
შეგახსენებთ, რომ კომუნიკაციების კომისიის მედიაწიგნიერების დეპარტამენტი განაგრძობს ზრუნვას მოზარდებში, მშობლებსა და მასწავლებლებში მედიაწიგნერების განვითარების ხელშეწყობაზე.
მეტი ამ კატეგორიიდან
ComCom-მა ახალგაზრდობის სააგენტოს საზაფხულო ბანაკის სტუდენტებს ტრენინგი - „AI დასაქმებისთვის“ ჩაუტარა
3 დღის წინ
116 ტრენინგი და 1700 გადამზადებული ბენეფიციარი - ComCom-მა საჩხერეში „ციფრული მხარდაჭერის პროგრამა“ დაასრულა
31 დღის წინ
„ინტერნეტი დასაქმებისთვის“ და „AI წიგნიერება“ – ComCom-მა წალენჯიხაში ახალი მოდულებით ტრენინგები ჩაატარა
33 დღის წინ
ComCom-მა „ციფრული მხარდაჭერის პროგრამა“ გორში დაიწყო
46 დღის წინ